$43 mlrd
Jalb qilingan to'g'ridan-to'g'ri xorijiy investitsiyalar va kreditlar
Yangi O'zbekiston –Katta imkoniyatlarga ega buyuk mamlakat
Iqtisodiy oʻsish jadallashgan hududlar investorlar uchun eng istiqbolli imkoniyatlarni yaratadi va bugungi kunda bu hudud Yangi Oʻzbekistondir. Nima uchun aynan hozir harakatga oʻtishga eng qulay fursat ekanligini bilib oling.
BB
Kredit reytingi (Fitch, S&P)
60%
30 yoshgacha bo'lgan aholi (38,6 mln kishidan)
7,7%
2025 yildagi YaIM o'sishi
- 87,6 mlrd. AQSh dollari
- Sanoat ishlab chiqarishi (2025)
- 64,3 mlrd. AQSh dollari
- Xalqaro zaxiralar (2026-yil avgust)
- 20,3 mln. kishi
- Mehnat resurslari (2025-yil Q3)
- 81,2 mlrd. AQSh dollari
- Tashqi savdo aylanmasi (2025)
- 4,8%
- Ishsizlik darajasi (2026-yil Q1)
Yangiliklar
O‘zbekiston Respublikasi investitsiyalar, sanoat va savdo vaziri Laziz Kudratov Saudiya Arabistoni Podshohligining O‘zbekistondagi Favqulodda va Muxtor Elchisi Saad Abu Haymed bilan uchrashuv o‘tkazdi.
20-avgust kuni O‘zbekiston Respublikasi investitsiyalar, sanoat va savdo vaziri Laziz Kudratov Saudiya Arabistoni Podshohligining O‘zbekistondagi Favqulodda va Muxtor Elchisi Saad Abu Haymed bilan uchrashuv o‘tkazdi. 🟠Tomonlar savdo-iqtisodiy va investitsiyaviy hamkorlikni yanada kengaytirish masalalarini muhokama qildilar. 2025-yilda o‘zaro savdo aylanmasi 178 mln dollarni (+24%) , o‘zlashtirilgan Saudiya investitsiyalari hajmi esa 2,8 mlrd dollarni (+105%) tashkil etdi. O‘zbekistonda Saudiya kapitali ishtirokidagi 433 ta korxona faoliyat yuritmoqda. 🟠Alohida e’tibor savdo hajmini oshirish va diversifikatsiya qilish , o‘zaro biznes-missiyalar va ko‘rgazmalar tashkil etish, shuningdek, energetika , raqamli texnologiyalar , transport , moliya , sog‘liqni saqlash va ta’lim sohalaridagi qo‘shma loyihalarni ilgari surishga qaratildi. 🟠Uchrashuv yakunida Hukumatlararo komissiyaning navbatdagi yig‘ilishini 2026-yil IV choragida Ar-Riyod shahrida o‘tkazish taklif etildi. Shuningdek, Saudiya Arabistonida bo‘lib o‘tadigan EXPO 2030 ko‘rgazmasida O‘zbekiston pavilyonini tashkil etish masalalari muhokama qilindi.
Batafsil
O‘zbekiston Respublikasi investitsiyalar, sanoat va savdo vaziri Laziz Kudratov Mordoviya Respublikasi Rahbari Artyom Zdunov bilan uchrashuv o‘tkazdi.
20-avgust kuni O‘zbekiston Respublikasi investitsiyalar, sanoat va savdo vaziri Laziz Kudratov Mordoviya Respublikasi Rahbari Artyom Zdunov bilan uchrashuv o‘tkazdi. Tomonlar savdo-iqtisodiy aloqalarni, sanoat kooperatsiyasini hamda hududlar o‘rtasidagi to‘g‘ridan-to‘g‘ri hamkorlikni kengaytirish istiqbollarini ko‘rib chiqdilar. Farmatsevtika , elektrotexnika , metallurgiya , qishloq xo‘jaligi, yog‘ochni qayta ishlash va IT sohalarida qo‘shma loyihalarni rivojlantirishga alohida e’tibor qaratildi. Buxoro , Navoiy va Jizzax viloyatlaridagi sanoat parklari hududlarida yangi ishlab chiqarish quvvatlarini joylashtirish , shuningdek, korxonalar o‘rtasidagi to‘g‘ridan-to‘g‘ri aloqalarni kengaytirish imkoniyatlari muhokama qilindi. Tomonlar aniq kooperatsiya va investitsiya tashabbuslarini ishlab chiqishni jadallashtirish hamda tegishli tuzilmalar va ishbilarmon doiralar o‘rtasidagi hamkorlikni davom ettirishga kelishib oldilar.
Birinchi O‘zbekiston–Koreya hududlararo hamkorlik forumi 2026-yil 11-sentabr | Seul
Forum O‘zbekiston va Koreya o‘rtasidagi savdo-iqtisodiy, investitsiyaviy va hududlararo aloqalarni yangi bosqichga olib chiqishga qaratilgan muhim muloqot maydoni bo‘ladi. Tadbir ikki mamlakatning davlat organlari, investitsiya hamjamiyati va ishbilarmon doiralari vakillarini bir maydonda jamlaydi. Forum kun tartibidan sanoat kooperatsiyasi va investitsiyaviy sheriklikni kengaytirish, kasbiy ta’lim va malakali kadrlar tayyorlash tizimini rivojlantirish, raqamli texnologiyalar, sun’iy intellekt (AI) va IT sohalaridagi hamkorlikni kuchaytirish, shuningdek madaniy-gumanitar aloqalar hamda sport sohasidagi hamkorlikni rivojlantirish masalalari o‘rin oladi. Agar kompaniyangiz koreyalik hamkorlar bilan yangi biznes aloqalarini yo‘lga qo‘yish yoki mavjud hamkorlikni kengaytirishdan manfaatdor bo‘lsa, sizni Birinchi O‘zbekiston–Koreya hududlararo hamkorlik forumida ishtirok etishga taklif qilamiz. Forumda ishtirok etish uchun quyidagi havola orqali ro‘yxatdan o‘ting
O‘zbekiston Respublikasi investitsiyalar, sanoat va savdo vaziri Laziz Kudratov Ozarbayjon Respublikasining O‘zbekistondagi Favqulodda va Muxtor Elchisi Rashad Mammadov bilan uchrashuv o‘tkazdi.
19-avgust kuni O‘zbekiston Respublikasi investitsiyalar, sanoat va savdo vaziri Laziz Kudratov Ozarbayjon Respublikasining O‘zbekistondagi Favqulodda va Muxtor Elchisi Rashad Mammadov bilan uchrashuv o‘tkazdi. 🟠 Tomonlar ikki tomonlama savdo va investitsiyaviy hamkorlik dinamikasini ko‘rib chiqdilar. 2025-yilda o‘zaro savdo aylanmasi 307,3 mln dollarni (+14,6%), 2026-yil yanvar–iyun oylarida esa 170,3 mln dollarni (+30,8%) tashkil etdi. 🟠Savdo-investitsiyaviy hamkorlikni yanada kengaytirishga qaratilgan ikki tomonlama hujjatlarni tayyorlashga , jumladan, erishilgan kelishuvlarni amalga oshirish bo‘yicha “Yo‘l xaritasi” hamda 2030-yilga qadar o‘zaro savdo hajmini 1 mlrd dollarga yetkazish dasturi ga alohida e’tibor qaratildi. 🟠Shuningdek, 22-avgust kuni Toshkent shahrida bo‘lib o‘tadigan IV O‘zbekiston–Ozarbayjon hududlararo forumi ni tashkil etish masalalari muhokama qilindi. Forum ikki mamlakat hududlari va ishbilarmon doiralari o‘rtasidagi to‘g‘ridan-to‘g‘ri aloqalarni kengaytirish uchun maydon bo‘lib xizmat qiladi . 🟠Uchrashuv yakunida o‘zaro savdoni oshirish , investitsiya loyihalarini ilgari surish va hududlararo aloqalarni rivojlantirish bo‘yicha navbatdagi qadamlar belgilab olindi .
O‘zbekiston Respublikasi investitsiyalar, sanoat va savdo vaziri Laziz Kudratov Eron Islom Respublikasining O‘zbekistondagi Favqulodda va Muxtor Elchisi Muhammad Ali Eskandari bilan uchrashuv o‘tkazdi.
14-avgust kuni O‘zbekiston Respublikasi investitsiyalar, sanoat va savdo vaziri Laziz Kudratov Eron Islom Respublikasining O‘zbekistondagi Favqulodda va Muxtor Elchisi Muhammad Ali Eskandari bilan uchrashuv o‘tkazdi. Tomonlar savdo-iqtisodiy va investitsiyaviy hamkorlikni yanada kengaytirish istiqbollarini muhokama qildilar. Yanvar–iyun oylarida o‘zaro tovar ayirboshlash hajmi 37,5 foizga oshib, 305 mln dollarga yetdi. Alohida e’tibor 29 ta qo‘shma loyihani ilgari surish, shuningdek, 26–27-noyabr kunlari Toshkent shahrida bo‘lib o‘tadigan Hukumatlararo qo‘shma komissiyaning 17-yig‘ilishi va O‘zbekiston–Eron biznes-forumiga tayyorgarlik masalalariga alohida e’tibor qaratildi. Uchrashuv yakunida tomonlar o‘zaro savdoni kengaytirish va yangi investitsiya loyihalarini amalga oshirish bo‘yicha qo‘shma ishlarni davom ettirishga kelishib oldilar.
Investitsiyalar qo’llanmasi
PwC bilan hamkorlikda ishlab chiqilgan ushbu keng qamrovli sarmoyaviy qo‘llanmada O‘zbekistondagi investitsion muhit, so‘nggi iqtisodiy islohotlar va asosiy tarmoqlar bo‘yicha imkoniyatlar chuqur tahlil qilinadi. U makroiqtisodiy ko'rsatkichlar, soliq va bojxona rejimlari, qonunchilik bazasi va biznesni tashkil etish tartiblarini qamrab oladi. Qishloq xoʻjaligi, energetika, neft va gaz, AKT, toʻqimachilik, kimyo va farmatsevtika kabi strategik sohalarga alohida eʼtibor qaratilgan. Xorijiy investorlar, davlat institutlari va tadqiqotchilar uchun juda mos boʻlgan hujjatda investitsion muvaffaqiyatlar tarixi va Maxsus iqtisodiy zonalar (SEZ) doirasidagi imtiyozlar haqida batafsil maʼlumotlar mavjud.
Toshkent Xalqaro Investitsiya Forumining (TXIF) 5 yilligi munosabati bilan tayyorlangan mazkur "Uzbekistan: Big Market. Bold Reforms. Real Opportunity." hisoboti mamlakatning rivojlanib borayotgan investitsiya muhiti, iqtisodiy transformatsiya jarayonlari hamda mintaqaviy investitsiya markazi sifatidagi ortib borayotgan mavqeini har tomonlama tahlil qiladi. Hisobotda yetakchi makroiqtisodiy tendensiyalar, to‘g‘ridan-to‘g‘ri xorijiy investitsiyalar dinamikasi, tarmoqlar kesimidagi ustuvor imkoniyatlar va mintaqaviy investitsiya salohiyati chuqur o‘rganilib, xalqaro investorlar, moliya institutlari hamda biznes yetakchilari uchun muhim ahamiyatga ega bo‘lgan tahliliy xulosalar ilgari suriladi. Rasmiy statistik ma'lumotlar, bozor tahlillari, shuningdek global investorlar va korporativ rahbarlarning ekspert fikrlariga asoslangan holda, hisobotda O‘zbekistonning iqtisodiyotni diversifikatsiyalash, xususiylashtirish jarayonlarini chuqurlashtirish, infratuzilmani modernizatsiya qilish, raqamli transformatsiyani ilgari surish va jahon iqtisodiyotiga integratsiyalashuv sohasidagi erishgan yutuqlari yoritiladi. Bundan tashqari, hisobotda EY Investor Perception Survey natijalari ham keltirilib, unda xalqaro investorlarning O‘zbekistonda amalga oshirilayotgan islohotlar dasturiga hamda mamlakatning uzoq muddatli iqtisodiy o‘sish istiqbollariga nisbatan ishonchi barqaror oshib borayotgani o‘z aksini topgan.
